Şaredariya Bajarê Mezin a Amedê, di çarçoveya Hefteya Penceşêrê ya 1-7ê Nîsanê de serdana Komeleya Têkoşîna Penceşêrê ya Jiyana Nû ya Amedê kir.

Serokatiya Daîreya Xizmetên Astengdar û Kal û Pîran xebatên xwe yên ji bo kesên pîr, astengdar, penceşêr û nexweşiyên kronîk ên mîna wan didomîne.

Di çarçoveya xebatan de, Midûriyeta Şaxa Nexweşiyên Nadir û Kronîk, ji ber Hefteya Penceşêrê ya 1-7ê Nîsanê serdana piştgiriyê li Komeleya Têkoşîna Penceşêrê ya Jiyana Nû ya Amedê û endamên wê kir.

Serokê Daîreya Xizmetên Astengdar û Kal û Pîran Îsmaîl Degîrmencî û hevalên wî li avahiya komeleyê ya ku berpirsiyarên taxan ên bajêr lê kom bûn, ji aliyê serokê komeleyê Şukru Abay ve hatin pêşwazîkirin.

Degîrmencî di serdanê de li pirsgirêkên nexweşên penceşêrê guhdarî kir û daxwaz û pêşniyarên wan tomar kir.

‘Em li mijara astengdarî û tenduristiyê bi nêrîneke mafparêz dinêrin’

Degîrmencî di serdanê de axivî û destnîşan kir ku ew nêzîkî mijara astengdarî û tenduristiyê dibin. Degîrmencî di serdanê de behsa sepana “Taksîya Civakî” kir û wiha domand: “Li ser raberbûna mijara ku di çûnûhatina giştî de rîska enfeksiyonê ya nexweşên penceşêrê zêde dibe û ji ber enfeksiyonê mirin zêde dibin me nikarîbû bêdeng bimînin. Me ev yek wekî xêr jî nedît; ev mijareke mafê ye. Me di warê bicihanîna maf de hewldana xwe bi vî awayî nîşan da. Hewldan û xîreta me dê bidome.”

‘Em îro ji bo çareserkirina pirsgirêkên xwe wekî mîladê qebûl dikin’

Serokê Komeleya Têkoşîna Penceşêrê ya Jiyana Nû ya Diyarbekirê Şukru Abay jî kêfxweşiya xwe ya ji serdanê anî ziman û wiha got: “Serokatiya Daîreya Xizmetên Astengdar û Kal û Pîran nû hat avakirin. Bi taybetî ji bo me bû fersendeke gelekî girîng. Bi salan me girî, me nalîn, hevalên me yên ku li ber çavên me me bi zanabûn winda kirin, înşallah ji niha û pê ve dê tu kes ji ber vê yekê jiyana xwe ji dest nedin. Lê beriya her tiştî em ê bibin doktorê xwe. Me ev yek îsbat kir. Em di destpêka kar de ne. Em ê bi serokê xwe re vê yekê pêş bixin û bidomînin. Îro ji bo me hemûyan rojeke gelekî taybet û gelekî xweş e. Em îro ji bo çareserkirina pirsgirêkên xwe wekî mîladê qebûl dikin. Ji ber ku serdana me kirin em gelekî spasiya wan dikin.”

Piştî serdanê Îsmaîl Degîrmencî pakêtên diyariyan ên ku bi xwe re anîbûn pêşkêşî endamên komeleyê kir û wêneyê bîranînê kişand.