Hevşaredara Şaredariya Bajarê Mezin a Amedê Serra Bucak, Serokê Federasyona Komeleyên Ege-Rojhilat û Başûrê Rojhilat Îsmet Barlas û heyeta pê re pêşwazî kir.

Serokê Federasyona Komeleyên Ege-Rojhilat û Başûrê Rojhilat Îsmet Barlas, Serokê Komeleya Şanliurfayiyan a Torbalî ya Îzmîrê Yakup Şimşek, Serokê Komeleya Siverekiyan a Torbalî Îdrîs Ortakaya û Serokê Komeleya Karsazên Hemwelatiyên Ege-Rojhilat û Başûrê Rojhilat Selahattîn Sogukçeşme, serdana Hevşaredara Şaredariya Bajarê Mezin Serra Bucak pêk anî.

Piştî pêşwaziyê, Bucak bi serokên komeleyan re hevdîtinek pêk anî. Di hevdîtinê de peyama piştgiriyê ya çareserkirina pirsgirêka Kurd hate parvekirin.

Di serdanê de Sekreterê Giştî Emrullah Gorduk û endamên meclîsê jî bi Hevşaredar Bucak re bûn.