Şaredarîya Amedî ya Şaristanê Girdî Roşnaê Qurbanî ra ver goristanan de pakîye kerde.

Serekîya Daîreya Kontrol û Pawitişê Derûdorî hazirîya Roşanê Qurbanî kena ke şarê ma birehetî bieşkîyo şêro derûdor û zîyaretê goristanan biko.

Ekîbê Mudirîya Karê Weşîye û Serekîya Daîreya Park û Baxçeyan zî beşdarê xebate bîy. Xebate goristanê Yenîkoyî ra ameye destpêkerde.Ekîbanê şaredarî pûş û palax goristanî ra çîna, rayîr pak kerd û şut û çop zî bi erebeyan berd dekerd wasitaya çopî.

Heme goristanî do bêrê pakkerdene

Ekîbê şaredarî wexto ke kare xo Yenîkoy de qedêna, dima do Goristananê Şehîdlik, Mêrdînkapi, Çiftehavuzlar, Alipinar û Goristanê Qedîm ê Suryanîyan de zî xebata pakîye bikê.