Şaredarîya Bajarê Girdî yê Amedî bi ekîbanê xo bi şew û roje verba kêzik û lavrayan de xebatanê xo yê dermankerdişî dewam kena.

Serekîya Daîreya Karê Weşîye, Mudurîya Karê Beytarî û Weşîya Şarî bi ekîbanê xo verba merşe, kêzikî, qijnike ûsn de ke weşîya şarî tehtîd kenê, roşan de zî xebatê dermankerdişî dewam kenê. 

274 personel û 80 wasitayî

Faalîyetê Dermankerdişî; 274 personelî, 80 wasitayî, 34 Holderî, 1 Holderê Traktorî, 15 Atomîzorî, 50 Cîhazê ULVyî, 200 pompayê paştî, 1 Mislower, 5 Cîhazê Mijkerdişê Termalî pîya 17 qeza û 1046 mehlayan de xebatî yenê kerdene 

Vera Lavrayan de Dermankerdiş

Xebatê dermankerdişî vera kêzik û lavrayan de Hawizan de, golan de, kanalîzasyonan ûsn cayan de ke lavrayî benê zêde, nê cayan de bi perîyodîk xebatî yenê kerdene.

 Xebatê dermankerdişî bi kontrolê muhendîsan pêroyê serre de her cayo ke tede kêzik û lavrayî benê zêde, tede bêmabên yenê kerdene.

"Vera kêzikan de ma mucadele kenê"

Serekîya Daîreya Xebatê Weşîye da zanayene ke pêroyê serre de 12 aşmî bêmabên nê warî de xebatê yenê kerdene bi taybetî zî serê wisarî de nê kêzik û lavrayî vejîyenê meydan. Nê demanê peyênan de hetê şarê ma rê gazinî û ma benê cewabê gazinanê xo yo xebatê ma yê dermankerdişî roşan de zî dewam kenê.

Ekîbî verba kêzikan de xebatê ULV (dermankerdişê Şewe) dayî destpêkerdene.

Xebatê ULVyî wexto ke roje şina awan dest pêkenê. Ekîbî bi 50 wasitayan derman kenê.

Pêroyê serre de vera vektoran têkoşîn

Serekîya Daîreya Karanê Weşîye bi ekîbanê xo yê dermankerdişî heme bajarî ra vera vektoran mucadele kena û do şarê ma bipawa.