Hemşaredarê Amedî ya Şaristanê Girdî Serra Bucak û Dogan Hatunî şîyê zîyaretê Hemşaredaranê Çinarî Semra Akyuz û Mehmet Şerîf Arzuyî.

Hemşaredaranê Şaredarîya Şaristanê Girdî Serra Bucak û Dogan Hatunî Şaredarîya Çinarî zîyaret kerd. Zîyaret de endamê meclîsî zî hemşaredaran reyde bîyî.

Hemşaredaranê Şaredarîya Çinarî Semra Akyuz û Mehmet Şerîf Arzuyî hemşaredarê ma kerdî mêman û dima şîyê awanîya xîzmetî yê şaredarîye de hemşaredaran Akyuz û Arzuyî reyde kombîyayîşêk kerd.

Hemşaredar Bucak û Hatunî, xebatê ke qeza de yenê kerdene, derheqê înan de melumatî girewtî û xebatê ke do bêrê kerdene, derheqê înan de zî fikrê xo vatî.

Hemşaredaran, Akyuz û Arzuyî rê vilikî dîyarî kerdî û karê înan de serkewtiş waşt.

Hemşaredarê Çinarî zî ard ziwan ke ê seba zîyaretî keyfweş bîyî.