Hemşaredarê Şaredarîya Amedî ya Şaristanê Girdî Dogan Hatunî mêmandarîya Serekê Odaya Hekîmanê Didanan Alî Îhsan Guney û endamanê heyetê îdareyî kerd.

Serekê Odaya Hekîmanê Didanan a Amedî Alî Îhsan Guney û endamanê heyetê îdareyî Şaredarîya Şaristanê Girdî zîyaret kerd.

Badê xeyrameyîşî Hemşaredar Dogan Hatun, Guney û endamanê heyetê îdareyî reyde pêvînayîş kerd.

Pêvînayîşîde derheqê Kongreya 8. ya Hekîmanê Didanan a Mîyanneteweyî de ke do 25-28ê Êlule 2025î de Amedî de bêro viraştene, fikrî ameyî parekerdene.

Zîyaretî de Hetkarê Serekê Pêroyî Reşat Bakan û endamê Komîsyonê Weşîye yê Meclîsê Şaredarîya Şaristanê Girdî Hemşaredar Hatunî reyde bîy.