Hemşaredarê Amedî yê Şaristanê Girdî Serra Bucak û Dogan Hatunî têhetameyîşê şarî de goşdarîya waştiş û rexneyanê şarî kerd û va kontrolkarê şaredarîye şar o. Bi seyan şar Salonê Konferansî yê Alî Emîrî de beşdarê kombîyayîşî bîyî û salon pir bîbî.

Şarî problemê xo vatî û tewr zaf meseleyanê binawanî, kanalîzasyon, res û hunerî ser o vindetî. Hemşaredar Hatunî qisey kerd û va ke ê do bajarî şarî reyde pîya îdare bikerê û binê kontrolê şarî de bê. Hemşaredare Bucak zî dîyar kerd ke ê do rayîranê xoresayîşê şarî hîna zêde bikerê.

Hemşaredaran va ke ê serrêk ra her hewte taxan de, Alo 153î de û dewan de xebatanê xo kenê û do xebatanê xo hîna zêde bikerê. La înan dîyar kerd ke feqêrîye û problemê karî est o û nê problemî tena bi butçeya şaredarîyan nêyenê çareserkerdene, nê çîyî problemê dinya yê pêroyî yê.