Hemşaredara Şaredarîya Amedî ya Şaristanê Girdî Serra Bucak, raporê 3 aşman yê kampanyaya "Vatişê ma nêqedîyayo, ma do pîya şîdetî vindarnê" îlan kerd û va ke mintiqaya hîraye ra ke Wan ra heta Amed, Agirî ra heta Bedlîsî reseno, vêşêr ma xo resna 15 hezarî ra vêşêr cinîyan.

Kampanya "Vatişê ma nêqedîyayo, ma do pîya şîdetî vindarnê" ke 13ê Teşrîna Peyêne ya 2024î de hetê şaredarîyanê DEM Partî ra dest pêkerdbî, raporê xebata 3 aşmî şarî rê îlan bî. Kombîyayîşî de ke Salona Konferansî ya Alî Emîrî de virazîya, Hemşaredara Şaredarîya Şaristanê Girdî Serra Bucak, hemşaredarê şaredarîyanê qeza û bajaran û temsîlkarê dezgehanê cinîyan beşdar bîyî.

Bucak dîyar kerd ke qeyyuman polîtîkayê cinîyan kerdo binpay û Merkezê Piştîdayîşê Cinîyan, Sitargehanê Cinîyan padayê û zafê cinîyanê ke nê cayan de xebitîyayê, kar ra vetê. Bi na kampanya ma waşt ke têkilîya cinîyan û şaredarîyan xurt bikerê û cehd kenê ke vera şîdetî têkoşîn bikerê.

Taxe bi taxe, dewe bi dewe xebatê xebatê hişmendîye ameyê kerdene û Merkezê Piştîdayîşê Cinîyan, sitargehî reyna abîyî. Nê merkezan de derheqê heqanê cinîyan, seypêyîya cinsîyet û sosyalî û têkoşînê vera şîdetî de perwerde dîyayî û xebatê muhîmî ameyê kerdene. 

Hemşaredare Bucak qalê xo wina qedêna: "Bi kampanyaya 'Vatişê ma nêqedîyayo, ma do pîya şîdetî vindarnê' ma xebatanê xo dewam kenê. Ma nika zî aktîvîteyanê 8ê Adare Roja Cinîyanê Kedkaran a Dinya bi nê hêzî dest pêkenê û ma soz danê ke ma do meydanan de bê."