Şaredarîya Amedî ya Şaristanê Girdî, şarê ke nimajê terawîhî ra vejîyayî, înan rê şîranî îkram kerd.

Serekîya Daîreya Çapemenî û Têkilîyanê Şarî, roja verêne ya Aşmê Remezanî de verê Camîyê Pîlî de stand akerd û şarê ke Nimajê Terawîhî ra vejîya, înan rê şîranî îkram kerd.

Ekîbê Serekîya Daîreya Çapemenî û Têkilîyanê Şarî, vernîya nimajê terawîhî de standê ‘Ca De Çarekerdiş’î akerd. Ekîban ke waştiş û pêşnîyazê şarî girewtî, şarê ke Nimajê Terawîhî ra vejîyayî, înan rê şîranî vila kerd.

Sereka Daîreya Çapemenî û Têkilîyanê Şarî Berîvan Guneş, standî goşdarîya şarî kerd û waştişê înan yew bi yew not girewtî. Guneş, aşma Remezanî ya şarî pîroz kerd û silamê Hemşaredaranê Şaredarîya Şaristanê Girdî Serra Bucak û Dogan Hatunî resnayî şarî.

Serekîya Daîreya Çapemenî û Têkilîyanê Şarî, aşma Remezanî de camîyanê cîya-cîyayan ê bajarî de standan akenê û hem do goşdarîya waştiş û pêşnîyazanê şarî bikerê hem zî do şîranî îkram bikerê.