Hemşaredara ma Serra Bucak seba Roşanê Remezanî badê tehtîlî personelê şaredarîya ma ke ameyo wezîfeyê xo ser, Roşanê înan pîroz kerd.

Bucak personalê ke serê sibayî dest bi xebate kerd, Sekreterê ma yo Pêroyî Emrullah Gorduk, Hetkarê Sekreterê Pêroyî Zerîn Turk û Reşat Bakan, serekê daîreyan û endamê meclîsî reyde, verê berê awanîya xizmetî de pêşwazî kerd. Dima Roşanê personalê ke Serekîya Daîreya Çapemenî û Têkilîyê Şarî û ALO 153 Merkezê Vengdayîşî de xizmet danê, ame pîrozkerdiş.