Bi mudaxeleya lezgîne ya îtfaîye, adirî ke Sîteya Sanayîya Mega de vejîyabî, ame temirnayene

Ekîbê Îtfaîye yê Şaredarîya Amedî ya Şaristanê Girdî, Sîteya Sanayîya Mega de depo de ke uca de madeyê kozmetîkî yenê viraştene, tede adirêk vejîya, û vila bi di depoyanê bînan ser, mudaxeleya ci kerd û temirna.

Sîteya Sanayîya Mega ke Qezaya Baglarî de ya, tede madeyê kozmetîkî yenê viraştene, uca depo de sebebêk ra ke hema nêameyo dîyarkerdene, adirêk vejîya. Agahdarîkerdişî ra dima ekîbê Îtfaîye, ca de bi lezgînîye resayî cayê adirî.

Adir, ke mudetêko kilm de girs bî, vila bî di depoyanê bînan ser. Adirî rê 40 îtfaîyekarî 10 wesayitê îtfaîye, DÎSKÎ û Serekîya Daîreya Park û Baxçeyan 3 tankeranê awe reyde mudaxele kerd. Bi mudaxele û cehdê ekîbanê îtfaîye, adiro girs ame temirnayene, û vernîya talukeyê vîndîbîyayîşê canî ame girewtene.

Hetkarê Sekreterê Pêroyî yê Şaredarîya Amedî ya Şaristanê Girdî Reşat Bakan û Serekê Daîreya Îtfaîye Metin Alar zî, îxbar reyde cayê adirî resayî û piştî da ekîbanê Îtfaîye.