Mudirîya Pêroyî ya DÎSKÎ seba ke îdareyê awa şimitişî dîjîtalîze bikero qezaya Kayapinarî de Tesîsê Pakkerdişê Awa Şimitişî de seba yew awanîya SCADA'yî ya 280 metrekareyî dest bi înşaatê ci kerd. Xebatê înşaatî do peynîya aşma hezîrane de bêrê qedênayene.

Sîstemê SCADA'yî sîstemêko teknolojîk o ke binawanîya awe merkez ra taqîb keno û dûrî ra kontrol keno. Bi nê sîstemî pêroyê prosesê pakkerdişê awa şimitişî, resnayîş û vilakerdiş eynî wext de eşkeno bêro taqîbkerdiş û îdarekerdiş.

Awanîya SCADA'yî de do bodrum, erd û yew qat bibo, û tede merkezê taqîbî, odeyê personelan û yew salona konferansî do est bê.

Mudirê Wekîlê Şûbeyê Sermîyanan yê Serekîya Daîreya Sermîyanan û Înşaatî yê DÎSKÎ Ozgur Aslan va ke bi qedênayîşê awanîya SCADA'yî dîjîtalîzasyon do bibo astêka berze.