Ekîbanê Mudirîya Pêroyî ya DÎSKÎ yê Şaredarîya Amedî ya Şaristanê Girdî, vera arêbîyayîşê awe û rîskê xetimîyayîşî ke varanê şidetînan ra yeno meydan, nuqteyanê stratejîkan yê şaristanî de xebatanê xo dewam kenê.

Ekîbê Mudirîya Pêroyî ya DÎSKÎ seba varanê şidetinî ke şaristanî de tesîrdar ê, vera girewtişê sîstemanê binawanî, arêbîyayîşê awe û xirabanê borîyanê awe de xebatanê xo bêvindertene dewam kenê. Ekîbî nuqteyanê krîtîkan de sey Konaxê Walîtîye, Kopruyê Binê Erdî yê Ofîsî, Cadeyê Hatboyî, Konaxê Paşayî û kopruyê çatrayîranê berpirsîyarîya Mudirîya Herême ya Rayîran de xebatan kenê ke problemanê ke varanî ra vejîyenê meydan, safî bikerê. 

Xetimîyayîşî wext de yenê tesbîtkerdiş

Mudirîya Şebekeyê Awa Lêmine ya girêdayeya Serekîya Daîreya Kanalîzasyonî ya DÎSKÎ bi panc vidanjoranê kombîne, şeş vidanjorê komî û di vidanjorê kukî û 50 personelî saha de xizmet kena. Ekîbî ke pompayê mobilî xebitnayî seba ke arêbîyayîşê awe tahlîye bikerê, cîhazê mobîlê vînayîşê kanalî reyde girewtişî û zererê borîyan ca de tesbît kenê. 

Mudirê Şebekeyê Awa Lêminî Abbas Aslanî derheqê xebatan de malumat da û va ke pê stratejîya mudaxeleyê verênî, xetimîyayîş û arêbîyayîşê awe demêko kilm de ameyî safîkerdiş. Aslanî va: "Ekîbî, merkezê şaristanî û qezayan de eynî hessasîyet reyde xebatanê xo dewam kenê ke xizmetî bêmabên bêrê dayene."