Şaredarîya Amedî ya Şaristanê Girdî, 10-16ê Gulane Hewteyê Astengdaran de sînemaya bêvenge, komxebate, konferans û ronayîşê şitilan sey aktîvîteyanê cîya cîyayan do organîze bikero.

Serekîya Daîreya Xizmetê Astengdar û Pîran, 10-16ê Gulane Hewteyê Astengdaran de rêzêkê aktîvîteyî do organîze bikero.

Rojê Sînemaya Bêvenge

Aktîvîteyê ke goreyê hewcedarîyanê astengdaran ameyê plankerdene, pê Rojê Sînemaya Bêvenge do dest pêbikê. Salona Sînema ya Merkezê Kultur û Kongre yê Çand Amedî de aktîvîteyî do virazîyê û do fîlmê "Bilyenin Hatırını Unutamayanlar" 3 û 5ê Gulane de do bêro nîşandayene, fîlmê "Îmza 2" zî 6ê Gulane de do bêro nîşandayene.

Ronayîşê şitilan

Çarçewaya Hewteyê Astengdaran de Cayê Ronayîşê Şitilan ê Dormeyê Stadyumê Neweyî de 4ê Gulane de pê motoyê "Astengdaran rê Cuyêka Newîye Mumkin a" do şitilî bêrê ronayîş.

Broşurî do bêrê vilakerdene

Bi armancê ke şar xizmetê Serekîya Daîreya Xizmetê Astengdar û Pîran ra îstîfade bikero, 12ê Gulane, qezaya Yenişehir de Cedeyê Ekincileran, Semtê Ofîsî, Meydanê Berê Koyî û qezaya Kayapınar û vernîya AVMya Ceylanî de 3 hezar broşurê şinasnayîşî do bêrê vilakerdene.

Konferans û komxebate

Komxebata Medya, 14ê Gulane saete 11.00 de Merkezê Kultur û Kongre yê Çand Amedî de; Aktîvîteyê Akerdeyî yê Sifreyê Rîyê Dinya, 16ê Gulane saete 13.00-15.00 de Cayê Cuya Hempare yê Sumerparkî de; "Konferansa Seba Astengdaran Gêrayîşê Aştî û Komelê Demokratîkî " zî 17ê Gulane saete 11.00-16.00 de Merkezê Kultur û Kongre yê Çand Amedî de do bêro organîzekerdene.