Şaredarîya Şaristanê Girdî yê Dîyarbekirî bi ekîbanê xo Cizîr de 71 keyeyan ra awe tahlîye kerd û 22 cadeyî pak kerdî ke awa laserî eştbîye ser.
4ê gulane de Cizîr de laserî wirzîyaybî û xeylê keye û cadeyî zirar dîybî. Şaredarîya Bajarê Girdî yê Dîyarbekirî û DÎSKÎ bi ekîbanê xo roja verêne ra yo ke mudaxele kenê. Bi 16 personel û 5 wasitayan ekîbê Şaredarîya Bajarê Girdî yê Amedî keye, otopark cade û kuçeyan ra awa laserî tahlîye kerde û cadeyî pak kerdî.
71 awanîyan ra awe ameye tahlîyekerdene
Ekîbê Şaredarîya Bajarê Girdî yê Amedî roja verêne ra heta ewro 71 bodrûmê awanîyan ra awe tahlîye kerd. 22 cade û meydanêk ame pakkerdene.
Sewbîna ekîbê şaredarî bi vîdanjoran qûm û slîmê ke kanalan de ameybî pêser, pak kerdî
Tayê ekîban karê xo qedêna
Ekîbê Serekîya Daîreya Îtfaîye û DÎSKÎ qeza de karê xo qedêna û agêrayî Amed. Ekîbê Serekîya Daîreya Kontrol û Pawitişê Derûdorî hema qeza de xebatanê xo dewam kenê.