Koordînasyona Kontrola Tenduristiyê ya ku di bin serokatiya Şaredariya Bajarê Mezin a Amedê de hat avakirin, sehbêr kir ku hişyariyên ku li esnafên Herêma Pîşesaziya Organîze ya Heywandariyê ya Çandiniyê ji bo paqijiya hawirdorê û parastina tenduristiya gel kirine, li ber çavan hatine girtin an na.

Koordînasyona Kontrola Tenduristiyê ya ku di bin serokatiya Midûriyeta Tenduristiyê de hat avakirin û di nav de Midûriyeta Zabiteyan, Midûriyeta Parastin û Kontrola Jîngehê, Midûriyeta Giştî ya Av û Kanalîzasyonê ya Amedê (DÎSKÎ), Midûriyeta Tenduristiyê ya Parêzgehê, Midûriyeta Hawirdor, Bajarvanî û Guhertina Avhewayê û Midûriyeta Sehbêriyê ya Bajarvaniyê û Guhertina Avhewayê û Rêveberiya Çandiniyê pêk tê, xebatên xwe didomîne.

Ekîban li gundê Elwendê ya navçeya Baxlarê, Herêma Pîşesaziya Organîze ya Heywandariyê ya Çandiniyê kontrol kir, esnafan li gor qanûnê kontrol kirin û hişyariyên pêwîst kirin. Der barê OSByên Ajalên Çandiniyê û karsazên ku jîngehê qirêj dikin û li gorî qanûnê tevnagerin, dozên hiqûqî hatin vekirin.

'Me sehbêrî kir ka hişyarî li ber çav hatine girtin an na'

Serpereştyarê Îdareya Îskan û Îdareyê yê Daîreya Tenduristiyê Bulent Gungormuş der barê kontrolê de agahî da û got ku ji bo pêşî li qirêjiya hawirdorê bê girtin û tenduristiya gel bê parastin ew bi awayekî periyodîk teftîşan dikin.

Gungormuş wiha got: “Lijneya Koordînasyona Kontrola Tenduristiyê di bin serokatiya Serokatiya Daîreya Karên Tenduristiyê ya Şaredariya Bajarê Mezin a Amedê de civiya. Koordînasyon kontrolên xwe yên li Çerxerêya OSByê didomîne. Me hişyarî dabû ku kêmasî û nebesiyên ku me di kontrolên xwe yên berê de dîtibûn sererast bikin. Di kontrolên îro de me seh kir ku hişyariyên di kontrolên berê de hatine kirin an na. Me dît ku kêmasî li hin cihan hê jî dewam dikin û me ji bo van deqeyan ceza girt."