Hevşaredara Bajarê Mezin a Amedê Serra Bucak, projeya Santrala Tavê ya 520 decarî ya ku tê plankirin li Taxa Dere ya navçeya Gêlê bê çêkirin, seh kir.

Midûriyeta Giştî ya Av û Kanalîzasyonê ya Amedê (DÎSKÎ) plan dike ku li Navçeya Dere ya Gêlê li ser 520 dekar projeya Santrala Tavê ya bi 30 MW hêza sazkirî pêk bîne. Di çarçoveya projeyê de ji bo Santrala Tavê dê 62 hezar û 568 panel (575 W) û 240 înverter (125 kW) bên danîn. Tê pêşbînîkirin ku santrala elektrîkê salane herî zêde 56,940,000 kWh elektrîkê bijene.

Hevşaredar Bucak qada projeyê lêkolîn kir

Hevşaredara Bajarê Mezin Serra Bucak, ji ber projeya Santrala Tavê ya 520 decarî ya ku Midûriyeta Giştî ya DÎSKÎyê ji bo mesrefa enerjiyê bigire plan dike li Taxa Derê ya navçeya Gêlê ava bike seh kir.

'Divê proje bi rêbazên guncaw pêk were'

Hevşaredar Bucak ku der barê projeyê de agahî ji yekîneyên pêwendîdar girt, diyar kir ku divê projeya Santrala Tavê ya ku tê plankirin bi rêbazên guncav bê meşandin û rêbazên ku zirarê nede welatiyan, sewalan û xwezayê bên dîtin.

Di kontrolê de Hevserok Bucak, Midûrê Giştî yê DÎSKÎyê Mehmet Şerîfoglû, Alîkarê Midûrê Giştî Serdar Arslan, Serokê Daîreya Lêgerîna Çêkirina Rê û Koordînasyona Binesaziyê ya Şaredariya Bajarê Mezin Ozgur Tekîn û endamên meclîsê hatin cem hev.