Li gundê Zorava ji aliyê şaredariyên Bajarê Mezin ên Amedê, Baxlar û Sûrê ve çalakiya "Li Kuçeyê Spor" hat lidarxistin. Zarokan li tenîsa masê, kupa, dîwarê hilkişînê û parkurên curbecur ên li taxê hatin danîn, kêf kirin.

Serokatiya Daîreya Xizmetên Ciwan û Werzîşê ji bo parastina ciwan û zarokan li hemberî madeyên hişbir çalakiyan li dar dixe û di vî warî de piştgiriyê dide xebatên şaredariyên navçeyan.

Di çarçoveya "Projeya Spora Li Kuçeyê" de li gundê Zorava ya navçeya Sûrê çalakiyek bi şîara "Em ji pêşerojê ber bi paşerojê ve li cewherê Sûrê vedigerin, em kolanên xwe bi rengan rengîn dikin" hat lidarxistin. Herweha zarok, dibêjin, "em li ser şopa dîroka xwe digihînin paşeroja xwe."

Di çalakiya ku Hevşaredara Sûrê Fatma Gulan Onkol jî lê amade bû de, zarok, ciwan û jinan ji bo jiyaneke bi tendurist derfeta werzişê bi dest xistin û bi çalakiyên xweş derbas bûn.

Parkurên xweş

Di çalakiyê de ji bilî çalakiyên curbecur ên werzîşê yên wekî tenîsa masê, voleybol û rêyên bisîkletê, dîwarê hilkişînê, trampolîn, lîstikên kevneşopî yên kolanan, boyaxkirina rû û rêyên cihêreng ên kêfê jî hebûn.

Di çalakiya ku zarokan destên xwe boyax kirin û li ser qumaşê berhemên rengîn çêkirin, beşdaran li gel muzîkê derfeta werzîşê û kêfê dîtin.

Piştî çalakiyê ji beşdaran re cil û bergên diyarî hatin dayîn.