Tîma Voleybolê ya Jinên Ciwan a Diyarbekir Buyıkşehir Belediyesporê, di pêşbirka nîvfînalê da tîma Fatîh Sultan Mehmet ya Lîseya Anadoluyê (FSM) 3-0 têk bir û derket fînalê. DBB dê di fînalê de bi Îçkalessporê re were hemberî hev.

Tîma Voleybolê ya Jinên Ciwan a ku di bin banê Serokatiya Daîreya Xizmetên Ciwan û Sporê de hat avakirin di maça heftemîn de bi ser ket.

Diyarbekir Buyukşehir Belediyespora ku di kategoriya voleybolê ya Jinên Ciwan de tê pêşbirkê ji bo pêşbirka nîvfînalê bi tîma Lîseya Anadoluyê ya Fatîh Sultan Mehmet (FSM) re hat hemberî hev. Di pêşbirka li Salona Sporê ya Koşklerê da tîma DBByê bi encama 3-0 setan li hemberî hevrikê xwe derket fînalê.

DBB dê di fînalê de bi Îçkalessporê re were hemberî hev

Di maça din a nîvfînalê da Baxlar Belediyespor û Îçkalesspor hatin hemberî hev. Îçkalespora ku di pêşbirkê da reqîbê xwe 3-0 têk bir, di fînalê da wê bi Diyarbekir Buyukşehir Belediyesporê re bê hemberî hev.

Tîma Voleybolê ya Jinên Ciwan a Şaredariya Bajarê Mezin, ger di maça fînalê de bi ser bikeve, wê mafê nûnertiya Amedê li herêmê hebe.