Meclisa Şaredariya Bajarê Mezin a Amedê, budçeya sala 2025an ku wek 16 milyar û 150 milyon hat diyarkirin, pesend kir.

Di civîna Meclîsê ya bi serokatiya Cîgira Seroka Şaredariya Bajarê Mezin Evîn Yelboga û di 28 û 29ê mijdarê de hat lidarxistin de pêşnûmaya butçeya sala 2025an a Şaredariya Bajarê Mezin a Amedê, 12 navçe û Midûriyeta Giştî ya Av û Kanalîzasyonê (DÎSKÎ) ya Amedê hat nirxandin. Di civîna meclîsê de butçeya sala 2025an a Şaredariya Bajarê Mezin a ku weke 16 milyar û 150 mîlyon hate diyarkirin, bi yekdengî hate qebûlkirin.

Di budçeyê de 16 milyar 150 milyon lêçûn û 14 milyar û 150 milyon dahat tê pêşbînîkirin, Şaredariya Bajarê Mezin dê bi 2 milyar deynan bîlançoya budçeyê misoger bike.