Ji perwerdeyê heta werzîşê di gelek waran de ji xebatên Şaredariya Bajarê Mezin a Amedê, zêdetirî 10 hezar zarok û ciwanan sûd wergirtin.

Serokatiya Daîreya Xizmetên Ciwan û Sporê, xebatên xwe yên perwerde û werzişê yên ji bo ciwan û zarokan didomîne. Di çarçoveya van xebatan de ji bo ciwanan gelek proje hatin meşandin. Şaredariya Bajarê Mezin ku ji bo veberhênana pêşeroja xwe destekeke mezin dide ciwanan, 132 klûbên werzîşê yên amatorî yên demsala 2024-2025an vedihewîne û di şaxên cihê de dixebitin; Bi hevkariya şaredariyên Kayapinar, Yenîşehîr û Baglarê bi giştî 9 milyon TL alîkariya pereyan hat kirin.

1327 xwendekarî ji Qada Jiyana Hevpar a Sumerparkê sûd wergirtin

Ji 31ê Adarê vir ve hezar û 327 xwendekarî li Qada Jiyana Hevpar a Sûmerparkê ya Beşa Xizmetên Ciwan û Werzîşê ji dersa Kodkirina Robotîk û Lîstikên Hiş û Aqilê sûd wergirtin.

730 xwendekar li zanîngehê hatin qebûlkirin

Di çarçoveya xebatan de Lîseya Akademî ya Sûrê veguherî Navenda Lêkolînê ya Sûrê. 1350 xwendekarên ku ji bo îmtîhanê amade bûn ji vê qadê sûd wergirtin. Ji xwendekaran 730 serketî bûn û li zanîngehên cihê hatin bicihkirin.

Her wiha 107 xwendekar beşdarî îmtîhana azmûnê bûn ku di navbera Cotmeh û Mijdarê de li Navenda Lêkolînê ya Sûrê bi rêkûpêk hatin lidarxistin. Rojane bi giştî 60-65 ciwanan ji Sûr Kitap Cafeyê sûdê werdigirin.

526 xwendekaran perwerde dîtin

Di dersên Lîstikên Hiş û Hişmendiyê de zarokên di navbera 7-14 salî de bi 27 lîstikên ku li cîhanê trend in perwerdehiya teorî û pratîkî tê dayîn. Di vê çarçoveyê de 526 xwendekaran perwerde dîtin.

Tîma Kodkirina Robotîk derket fînalê

Bi tevahî 438 xwendekar di pola Kodkirina Robotîk de hatin perwerdekirin û kursên pratîkî lê berdewam dikin. Di pêşbirka kodkirina robotan a ku li Erziromê hat lidarxistin de tîmeke ji 3 kesan ku li vir dixwînin derketin fînalê.

5 hezar û 150 zarok ji Dibistanên Sporê yên Havînê sûd wergirtin

Di çarçoveya Dibistanên Sporê yên Havînê yên 2024an de, di şaxên futbol, voleybol, basketbol, tenîsa maseyê, tekwando, tenîsa kortê, jîmnastîk, lîstikên hiş û hişmendiyê de perwerde hat dayîn. Di 7 şaxan de 2 hezar û 750 zarokan, ji perwerdeya melevaniyê jî 2 hezar û 400 zarokan sûd wergirtin.

Di çarçoveya turnuva, kurs û çalakiyan de 222 kes beşdarî Turnuvaya Tenîsê ya Kûpaya Amedê ya 14emîn bûn û di du beşên jin û mêran de hatin pêşbaziyê. Tûrnûva 10 rojan li qada Tenîsê ya Parkormanê pêk hat.

107 xwendekar ji bo îmtîhana amadehiyê ya Dibistanên Sporê yên Bilind ên Perwerdeya Bedenê (BESYO) beşdarî kursa bêpere bûn. Di encama îmtîhanê de 19 xwendekar li zanîngehên cuda hatin qebûlkirin.

Festîvala Sporê 2 caran li navçeya Sûrê û carekê jî li navçeya Baglarê li kolanan hat lidarxistin. Di vê çarçoveyê de 500 forma li zarokan hatin belavkirin.

Li Navenda Otîzmê 2 mamoste hefteyê 5 rojan perwerdeya sporê didin 45 xwendekaran.

150 ciwan beşdarî meşa xwezayê ya ku li Taxa Xoxur a Pîranê di çarçoveya projeya "Xwe li Xwezayê Bibîne" bi tevlêbûna Hevşaredarên Bajarê Mezin Serra Bucak û Dogan Hatun pêk hat.

Li Qada Jiyana Hevpar a Sumerparkê 156 xwendekar ji perwerdeya tekwandoyê ya ku berdewam dike sûd werdigirin. Li Mala Zanînê ya Selahaddîn Eyyûbî 245 zarokên ku derfetên wan ên aborî kêm in kursên bingehîn tên dayîn.

Xebatên lênêrînê û tamîrkirina qadên ku hatine paşguhkirin hatin kirin

Li qadên taxa 500 Evlerê, qadên navçeya Bagcilarê, qada futbolê ya navçeya Yenîkoyê, li Mala Piştgiriya Perwerdehiyê ya Ben û Senê qada piralî, li Qada Jiyana Hevpar a Sumerparkê, Qada Jimare 1 ya Turê ya Futbolê ya Şîlbeyê û Kompleksa werzîşê ya li kreşxaneya Qerekopruyê, seha hatin paqijkirin. Ji bo navenda fitnesê ya ku 350 kes bi kar tînin, bi piştgiriya lênihêrîna xizmetguzariyê re peymanek hat çêkirin û lênihêrîna demkî ya salonê bi rêkûpêk hate çêkirin.

Di çarçoveya xebatê de hezar û 500 çenteyên ku tê de kelûpelên mektebê heyî li zarokên astengdar hatin belavkirin.

Piştgiriya wesayîtan ji Klûbên Sporê yên Astengdarên Dîtinê û Guhî û Klûbên Sporê yên Amator re hat dayîn. Daxwazên klûbên ku dixwestin biçin maçên li derveyî parêzgehê hatin bicihanîn. Ji bo 70 zarokên li Qada Jiyana Hevpar a Sumerparkê dixwînin perwerdeya sepanê ya trafîkê hat dayîn.

Perwerdehiya bikaranîna madeyên hişber

Psîkologên Navenda Hevra, li taxan xebatên agahdarkirinê kirin. Ji bo karmendên ku li şaredariyên Sûr, Yenîşehîr û Baglarê dixebitin perwerdehiya îstismara madeyên hişber hat dayîn.

Di voleybolê de serkeftin

Tîma Voleybolê ya Şaredariya Bajarê Mezin a Amedê di Lîga Herêmê de bû şampiyon û derket lîga jor. Di pêşbirkên koma parêzgehan de Tîma Voleybolê ya Ciwanan bû yekemîn. Tîm dê di pêşbirkên herêmî de Amedê temsîl bike.

Tîma futbolê ya DBByê ya ku di Koma 1emîn a Amatoran da cih girt, bi şampiyoniya lîstikê derket lîga super amator. Tîma U-18 derbasî playoffê bû.

Şaredariya Bajarê Mezin a Amedê, di Koma G ya Lîga 2yemîn a Hantbola Mêran a Tirkiyeyê da pêşbirka xwe ya bêşikestî didomîne.

Tîma Futbolê ya Jinan

Tîma futbolê ya jinan dest bi amadekariyên lîgê kir. Şaxên tenîs, avjenî û basketbolê piştî ku bên aktîfkirin wê di demeke nêz de dest bi çalakiyan bikin.

'Saziyên werzîşê ji şaredariyê hatin girtin'

Serokê Daîreya Ciwan û Sporê Çetîn Hasgumuş der barê xebatên xwe de agahî da û got ku di dema qeyûmê de gelek tesîsên werzîşê û saziyên perwerdeyê ji destê Şaredariya Bajarê Mezin hatin derxistin. Hasgumuş wiha got: “Ji roja ku me di 9’ê Nîsanê de weke Midûriyeta Xizmetên Ciwan û Werzîşê dest bi wezîfeyê kir û vir ve, piştî hilbijartinên 31’ê Adarê, erka me ya yekemîn lêkolîna zirar û xebatên di serdema qeyûman de bû. Di encama xebatên me de me dît ku 11 akademiyên me yên agahdarkirinê û tesîsên werzîşê yên di bin banê beşê me de ne, ji Midûriyeta Şaxa Perwerdeya Neteweyî û Midûriyeta Şaxa Ciwan û Sporê ya Parêzgehê re hatin veguhestin. Mala Zanînê ya Alî Emîrî tevî hemû mal û milkên xwe yên berdest û qeydkirî yên li Parka Koşuyoluyê sewqî Midûriyeta Perwerdeya Neteweyî hat kirin. Di rewşeke bi heman rengî de Akademiya Alî Gaffar Okan, Mala Zanînê ya Navendî, Qehwexaneya Milletî ya Pirtûkan, Qehwexaneya Pirtûkan a Meydana Bajêr, Qehwexaneya Pirtûkan a Biratiyê, Qehwexaneya Pirtûkan a li Tema Parkê, Mala Zanînê ya Çinarê, Mala Zanînê ya Hênê Gurbizê, Kampa Gezînê û 75. Kordên Tenîsê ji Midûriyeta Perwerdeya Neteweyî û Midûriyeta Ciwanan û Werzîşê ya Parêzgehê re hat veguheztin.

'Me giranî da xebatên werzîş û perwerdeyê'

Hasgumuş destnîşan kir ku ji bo xizmeteke baş ji welatiyên li bajêr re bikin hewldaneke mezin didin û diyar kir ku Hevşaredar Serra Bucak û Dogan Hatun di encama girîngiya ku didin qadên spor û perwerdeyê de bal kişandin ser xebatên xwe. Hasgumuş got, “Di nav van koman de me xebatên xwe yên li Akademiya Sûrê û li Sûr Kitap Cafeyê ku tenê bi kirê di nava Malên Zanînê yên li Midûriyeta Şaxa Perwerdehiyê de hebûn, berdewam kir. Me li van deveran wek navenda xwendinê û jûreya xwendinê dest bi xizmetê kir. 1350 xwendekarên me ji Navenda Lêkolînê ya Sûrê sûd wergirtin û 730 ji wan li zanîngehan hatin bicihkirin. Me li taxên Bagcilarê bi taybetî li taxa 500 û 450 Evlerê hemû cihên xwe aktîf kirin û xebatên nûkirin û temîrkirin-çêkirinê bi dawî kirin."