Midûriyeta Giştî ya DÎSKÎyê ku bi feraseta kalîteyê û domdariyê hewcedariyên gel bi cih tîne, di nava 8 mehan de 79 hezar û 677 metre xetên ava vexwarinê û 15 hezar û 935 metre xetên ava vexwarinê danîn.

Midûrtiya Giştî ya Av û Kanalîzasyonê ya Şaredariya Bajarê Mezin a Amedê (DÎSKÎ) bi nêzîkatiya herî bi kalîte û domdar bicihanîna pêdiviyên bingehîn ên gel didomîne. DÎSKÎya ku li bajêr li hemberî xetera guherîna avhewayê û kêmbûna çavkaniyên avê projeyên ku li bajêr hişyariya teserûfa avê zêde dike pêk anî, ji bo pêşî li windakirin û rijandina avê bigire, pergalên berhevkirina ava baranê, amûrên pîvana avê yên biaqil û pergalên dîjîtal pêk anî.

Bi saya xebatên nûjen ên ku di xetên kanalîzasyon û ava baranê de têne kirin, pergalên binesaziyê domdar û bikêrtir bûne. Li navenda bajêr 26 hezar û 32 metre, li navçeyên gundan jî 53 hezar û 645 metre xetên ava vexwarinê hatin danîn. Li navenda bajêr 3 hezar û 650 metre û li 13 taxên gundan jî 12 hezar û 285 metre xetên kanalîzasyonê hatin çêkirin. Bi vî awayî bi giştî 79 hezar û 677 metre xetên nû yên ava vexwarinê û 15 hezar û 935 metre jî xetên nû yên ava çopê hatin danîn.

Binesaziya li girêka pirê hat çareserkirin

Midûriyeta Giştî ya DÎSKÎyê pirsgirêka binesaziyê ya li Xaçerêya Nexweşxaneya Welidînê ya Binê Pirê ya li ser rêya Urfayê ku di dema barana zêde bû sedema kombûna avê, çareser kir. Di çarçoveya xebatê de hezar û 713 metre lûleyên betonê, 34 manholên teftîşê, 135 torbeyên ava baranê, hezar û 275 metre girêdana ava baranê, 34 hesinên pola hatin çêkirin.

Di binesaziya heyî û xetên ava vexwarinê de tamîrkirina xeletiyan

Di xetên kanalîzasyon û ava vexwarinê yên bajêr de demildest mudaxele hat kirin û li tevahiya bajêr bi giştî 9 hezar û 486 metre ava vexwarinê û 4 hezar û 321 metre jî qeraliya kanalîzasyonê hatin sererastkirin. Her wiha 241 hezar û 613 metre şebekeyên kanalîzasyon û ava baranê hatin paqijkirin.

Li Taxa Til Elo pirsgirêka ava vexwarinê ya 2 hezar welatiyan hat çareserkirin

Li Taxa Til Elo ya navçeya Sûrê ya ku nifûsa wê nêzî 2 hezar e, ji bo pirsgirêka ava vexwarinê ji holê bê rakirin bi taybetî di mehên havînê de di kûrahiya 650 metreyan de ava bi hilberîna 25 lîtreyî di saniyeyê de hat dîtin. Bi xebatên ku hatin kirin re girêdana Tanka Avê ya Til Eloyê hat çêkirin.

Kapasîte li Hewzeya Avê ya Gozeliyê hat zêdekirin

Ji bo çareserkirina pirsgirêka ava vexwarinê ya ku li bajêr bi taybetî di mehên havînê de tê jiyîn, ava vexwarinê ya bi kûrahiya 550 metre û 45 lître di saniyeyê de ava vexwarinê anîn Hewzeya Ava Gozeliyê.

Li Tesîsa Çêkirina Ava Biyolojîk a Pêşketî xebatên nûkirinê dest pê kir

Projeya nûavakirinê ya bi navê "Xebatên Çêkirina Avahiyên Têketinê ya Santrala Parzûnkirina Ava Kanalîzasyona Navendî" ji bo Santrala Pêşketî ya Parzûnkirina Ava Biyolojîk a ku pêşî li qirêjiya Çemê Dîcleyê ku çavkaniya herî mezin a avê ya herêmê ye, digire û tenduristiya gel diparêze, hate amadekirin. Ji bo projeya ku îhaleya wê di Hezîrana 2024an da bi bihayê 94 milyon û 751 hezar û 750 TLyî hat kirin, bi şirketa muterat re peyman hat îmzekirin.

Bi saya xebatên nûjenkirinê yên ku li Tesîsa Pêşketî ya Parzûnkirina Ava Kanalîzasyonê ya Biyolojîkî tên kirin, heta sala 2040an li navenda Amedê pirsgirêka ava gemar wê namîne.

Pêşxistina Tesîsên Çareserkirina Avê

Bi qedandina xebatên nûjenkirinê yên li tesîsên paqijkirinê, qalîteya avê hat başkirin û ava çopê bêyî ku zirarê bide jîngehê hat paqijkirin. Di vê çarçoveyê de 20 milyon û 192 hezar û 890 metrekup ava çopê li Tesîsa Paqijkirina Avê hat paqijkirin.

Pirsgirêka ava çopê ya taxên Gozelê û Donumluyê hat çareserkirin

Li Taxa Donumlu ya navçeya Yenîşehîrê û Taxa Gozelê ya navçeya Baglarê 2 Îstasyonên pompeyî û xeteke pompê ya bi dirêjahiya hezar û 657 metre hatin çêkirin.

Odeyên DMA zêde bûn

128 odeyên DMA (Pîvana Veqetandî) ji bo kêmkirina xisar û lehiyên şebekeyên ava vexwarinê yên li seranserê bajêr tên çêkirin. Ev proje armanc dike ku bi avakirina binesaziya pergala çêkirinê, elektromekanîkî, pîvandin û kontrolê ya wargeh, pîvandin û qadên metre yên veqetandî (DMAs), bi kêmkirina windahiyên avê û rêjeyên rijandinê, bi bandorkirina kalîteya karûbarê û karanîna çavkaniyên avê bi bandor bikar bîne, pergala çavdêrî û rêvebirina navendî saz bike.  Bi temambûna xebatên 128 odeyên DMAyê yên ku li seranserê bajêr dewam dikin, ava vexwarinê ya bajêr wê bikeve bin kontrolê.

Bi dîjîtalîzasyonê tesarif di fatûreyan de

Bi projeyên dîjîtalkirinê re, gelek karûbar, ji dravdana fatûreyan bigire heya agahdariya xeletiyê, bi serîlêdanên desta û platformên serhêl ve hatine gihîştin. Navenda telefonê bi pêşkêşkirina xizmeta 24/7 bi lez û bez bersivê dide daxwazên welatiyan.

Projeya Solar hate pejirandin

Midûriyeta Giştî ya DÎSKÎyê ji bo projeya Santralên Rojê (SPP) ku ji bo kêmkirina lêçûnên enerjiyê plan dike pêk bîne, ji Wezareta Hawirdor, Bajarvanî û Guherîna Avhewayê erêkirina Nirxandina Bandora Derdorê (ÇED) wergirt. Di çarçoveya projeyê de wê di santralê de 66 hezar û 545 panelên Wp û înverterên 120,250 kWe bên bikaranîn. Di santralê de tê armanckirin ku salane nêzî 62 milyon û 947 hezar û 500 kWh elektrîkê hilberîne.

Proje bi rêbazên dostane yên jîngehê pêk tê û bi awayekî ku zirarê nede welatî, ajal û xwezaya ku li hawîrdorê dijîn bê meşandin.

Midûriyeta Giştî ya DÎSKÎ ya ku xizmetkirina bi kalîte ji gel re, parastina çavkaniyan û veberhênana di pêşerojê de weke peywireke herî girîng dibîne, xebatên bilindkirina tenduristiya gel û kalîteya jiyanê didomîne.