Şaredariya Bajarê Mezin a Amedê, di çarçoveya 21 Adarê Roja Cîhanî ya Sendroma Downê de çalakiyek li Dibistana Ekolojîk ya Agroekolojîyê li dar xist da ku hişyariyê çêke.

Serokatiya Daîreya Xizmetên Kesên Astengdar û Pîran, di çarçoveya 21 Adarê Roja Cîhanî ya Sendroma Downê de, ku ji aliyê Neteweyên Yekbûyî ve ji bo zêdekirina hişyariyê hatiye diyarkirin, çalakiyek li dar xist.

Kesên bi sendroma Down û astengiyên zihnî bi malbatên xwe re beşdarî çalakiya ku li Dibistana Ekolojîk ya Agroekolojîyê hat lidarxistin bûn. Çalakî bi armanca avakirina girêdaneke xurttir bi xwezayê re û pêşxistina hişmendiya ekolojîk hat lidarxistin.

Di çarçoveya çalakiyê de, tovdanîn û çandiniya şitilan û gelek çalakiyên xwezayî hatin kirin. Beşdaran girîngiya têgihiştina jiyaneke li gel xwezayê carek din keşif kir.

Serokatiya Daîreya Xizmetên Kesên Astengdar û Pîran, bi vê cure çalakiyan armanc dike ku alîkariya kesên bi sendroma Down bike ku ew di civakê de cihê xwe bigirin û hişyariyê zêde bike.

Xebata atolyeyê bi zarokan re

Ji bo zarokên ku ji odeya lîstikê ya li Navenda Jiyana Jinê ya li Taxa Huzurevlerî ya girêdayî bi Serokatiya Daîreya Xizmetên Jin û Malbatê sûd werdigirin jî çalakiyek li Dibistana Ekolojîk ya Agroekolojîyê hat lidarxistin.

Di çalakiyê de, agroekolojî, girîngiya avê, qada komposta zibilê, girîngiya tovê, cihêrengiya biyolojîk û çerxên ekosîstemê di nav xwezayê de ji zarokan re hatin vegotin. Zarokên ku derfeta çavdêriya ekolojîyê ji nêzik ve dîtin, bi zeliqandina kêzikan ên ku ji qumaş û kartonên pûç ve hatine çêkirin li ser darên hişk, ezmûna geriyandinê jî kirin.