Şaredarîya Amedî ya Şaristanê Girdî pêroyê bajarî de vera melşe û kêzikan xebatêka hîra daye destpêkerdene. Xebate do 3 rojî birama.

Serekîya Daîreya Karê Weşîye, Mudirîya Şubeyê Weşîya Şarî û Karê Baytarî bi ekîbanê xo vera melşe, mêse, qijnike ûsn kêzikî û nêweşîyê ke nînan ra vîyarenê însanan xebatêks hîra daye destpêkerdene.

285 personel û 80 wasitayî

Faalîyetê Dermankerdişî bi 285 personel, 80 wasita, 35 holder, 15 otomîzor, 50 Cîhazê ULVyî, 200 pompayî, mîsblover, 5 Mijkerdişê Termalî 17 qezayan de xebatanî dewan kena.

Hedefê Qedênayîşê Vektoran o

Pêroyê şaristanî de 1ê gulane 2024î ra yo ke xebatê dermankerdişî dest pêkerdbî, mabênê saetanê 06.00-12.00î de dermankerdişê lavrasîtan, mabênê saetanê 16.00-24.00î de zî dermankerdişê melşe û kêzikan yeno kerdene.

7ê hezîrane 2024î de bi beşdarîya 30 wasita û 160 personelan 3 rojî do pêroyê bajarî ra xebatê dermankerdişî yo hîra bêrê kerdene. Hedef o yo ke %100 melşe û kêzikî bêrê qedênayîş

Ma soz dayo nê şariştanî, ma do demêkê kilmekî de peynîya ci bîyarê

Hetkarê Sekreterîya Pêroyî yê Şaredarîya Bajarê Girdî yê Amedî Mehmet Reşat Bakanî wina va: "Ma soz dayo nê şariştanî, ma do demêkê kilmekî de peynîya ci bîyarê. Ma goreyê gazinanê ke yenê ma rê, û pêroyê bajarî de seba weşîya şarî do bêmabên bixebitîyê. Mehla û dewa tewr dûrî de zî ma do peynîya nê melşe û kêzikan bîyarê.

Kesê ke nêweşîya înan a kronîke est a, wa maske pa bikê

Bakanî dîyar kerd ke 6 dermananê tewr bitesîran ra 40 ton girewto 0 wina dewam kerd; "Demê dermankerdişî de seba ke problemek nêvejîyo, ma şarê xo yê nêweş û extîyaran ra wazenê ke wa maske pa bikê."

Seba ke aşma çele-sibate de derman nêbîyo, coka nika hende melşeyî est ê

"Sebebê nê problemanê ma o yo ke aşma çele-sibate wexto ke nê melşe û kêzikî demê lavra de bîyî nêameyî dermankerdiş. Eke emî xo de nê xebatî biameyêne kerdene nika hende problemê ma nêbîyêne.