Şaredarîya Girde ya Amedî, şewatê ke Qezaya Çinar û Şemrexî de wareyê 66 kîlometreyî tesîr kerd, bi 6 wesayîtê îtfaîye û 60 personelan mudexale kerd. Masaya Koordînasyonî yê Krîzî ke bi serekîya Hemşaredare Serra Bucak û Dogan Hatunî ameye ronayîş, hem nêweşxaneyê bajarî û hem zî taxan de xebatanê xo dewam kenê.

Qezaya Çinarî ya Amedî û qezaya Şemrexî ya Mêrdînî de vizêr şan de (20.06.2024) şewato ke vejîya de vîndîbîyayîşê can û malî virazîya.

Destpêkê şewatî de Masaya Koordînasyonê Krîzî yê serekîya hemşaredare Serra Bucak û Dogan Hatunî ameye ronayîş. Sekreterê pêroyî  Emrullah Gorduk, Hetkarê Sekreterê Pêroyî Reşat Bakan, Aziz Ozdogan, Ozgur Yildiz û Zerrin Turk û serekê daîran reyde bi ruhê seferberî xebate ameye kerdiş.

Pêro şewe hemşaredarî saha de bîyî

Hemşaredare Serra Bucak û Dogan Hatun û kademeyê îdareyî destpêkê şewatî de taxê ke şewat vejîya de lazimîyan koordîne kerdî.

Hemşaredare Bucake û Hatunî, taxê brjayî zîyaret kerdî û dima ra semedê paştdayîşê kesê ke dinyaya xo bedelnayî û birîndar bîyê şîyî nêweşxane.

6 welatijê ma dinyaya xo bedelnayî

Goreyê dayeyê fermî yê Serekîya Daîreyê Karî yê Weşîye şewatî de 6 welatijê ma dinyaya xo bedelnayî.  Heto bîn ra Nêweşxaneyê Gazi Yaşargilî û Nêweşxaneyê Unîversîteya Dicleyî de 10 ci ra giran 22 birîndarî tedawîya înan dewam kena. 

Nameyê welatijê ma yê ke dinyaya xo bedelnayî wina yê:

Ubeydullah Bugdayci, Abdurrahman Bugdayci, İsmail Yardimci, Remzi Yilmaz û Mazhar Demir û Sinan Deviren. 

Heywananê birîndaran rê mudaxele ame kerdiş

Ancî goreyê dayeyê Serekîya Daîreyê Karî yê Weşîye xeylê pesdewarî û ganeyê bînî zî merdî.

Ekîba ke vetîreneran semedê heywanê birûndaran hetkarî kerd. Serekîya Daîreyî ra 2 hekîmê veterînerî, 3 xebatkarê seha reyde Şaredarîya Wan ve Mêrdînî û ekîba Unîversîteya Dîcle xebatê hetkarî de ca girewtî.

6 wesayîtê îtfaşye û 60 personelî seha de bîyî

Şewato ke hema sebebê ci nêame zanayîş vizêr saete 22.09 de Serekîya Daîreyê Îtfaîye rê îxbar bî. 22.10 de Amirîya Îtfaîye yê Çinarî yê Şaredarîya Girde ra 2 wesayîtê îtfaîye û aracı 6 serekê itfaiye vejîyayî