Hemşaredaranê Şaristanê Girdî yê Amedî Serra Bucak û Dogan Hatunî şîyî zîyaretê DÎSKÎ’yî û roşanê personelan pîroz kerd. Hemşaredar Bucak bale ante çarkerdişê birnayîşê awe ke demanê peyênanan de tim rojeve de yo û personelan rê sipas kerd.

Hemşaredaranê Şaristanê Girdî yê Amedî Serra Bucak û Dogan Hatunî şîyî zîyaretê DÎSKÎ’yî û awanîya xîzmetî ya DÎSKÎ de berî ver de roşanê personelan pîroz yew bi yew kerd. Hemşaredaran seba roşanî hêvî kerd bibo wesîleyê aştî aramîya Amedî. Pîrozkerdişê roşanî de Sekretero Pêroyî Emrullah Gorduk û Mudirê DÎSKÎ’yî Mehmet Şerîfoglu û hetkarê sekreterîya pêroyî û serekê daîreyan hemşaredaran reyde bîyî.

Hemşaredare Bucak: Hamnan seba xebitnayîşê awe muhîm o

Pîrozkerdişî de hemşaredare Bucak personelan reyde qisey kerd û bale ante bedilîyayîşê îklîmî û dîyar kerd ke hewa zaf bîyo germin. Bucak wina dewam kerd; “DÎSKÎ îtfaîye ra dima beno ke yewîneyo tewr muhîm o ke ganî ma hîna zaf qedeir û qîmet bidê nê karan” 

 ‘DÎSKÎ çimanê şarî ver de yo’

Hemşaredare Bucak dîyar kerd ke rîyê biryayîşê awe û abonetîya şarî hertim çimanê şarî ver de yo û dîyar kerd ke 8 serranê qeyyûman de çîyî ke ameyî kerdene, êdî peynîya înan bêro. Bucak wina va; “Êdî ma wazenê ke nê bedilîyayîşî bêrê kerdene. Aşmê verênê yew vîyer bî la nê vîyerî ra vîyartî.”

 ‘Çîyo ke etîk o, şarî rê xîzmet o’

Bucak ard ziwan ke ganî her kes hîna zaf karê xo rê wayîr bivejîyo û hîna weş karê xo biko. Bucak îfade kerd ke seba înan çîyo ke etîk o, şarî rê xîzmet o. Û do bi nê hişmendî û fikirî bixebitîyê.

 ‘Personelê ma bi şew û roj xebitîyayî’

Hemşaredare Bucak peynîya qiseykerdişê xo bi nê cumlayan ardî; “Nê demanê peyênan de krîzêkê awe şaristanê ma de est bî la ma hal kerd. Ez heme personelanê ma rê sipas kena. Personelê ma bi şew û roj xebitîyayî, bêhewn mendî û bidore şew û roj xebitîyayî. Bi nê wayîrvejîyayîş û aîdîyetî ma do 5 serrî nê şaristanîş biresnê daraxêko hîna berz.”