Hemşaraderanê Amedî ya Şaristanê Girdî Serra Bucak û Dogan Hatunî guzergehê sîstemê rayîrê asinî etud kerd ke yeno plankerdene.

Serekîya Daîreya Resayîşî, seba şaristanî mîyan de resayîş hîno bibo rehet û bikonfor, xebatanê xo yê rayîrê asinênî ke 14 km yo, dewam kena.

Hemşaredaranê ma Serra Bucak û Dogan Hatun fîrmaya ke do rayîrê asinênî viraza, temsîlkaranê aye reyde ameyî têhet. Kombîyayîşo ke awanîya şaredarî de virazîya, temsîlkaranê fîrma hemşaredaran rê pêşkêşê pjoje kerd.

Hemşaredaran guzergehî de etud kerd

Kombîyayîşî ra dima hemşaredarnê ma Serra Bucak û Dogan Hatun, hetkarê sekreterîyaya pêroyî Reşay Bakan û amîrê yewîneyan û temsîlkaranê fîrma guzergehê rayîrê asinên ser o etud kerd.

Hemşaradarî Bucak û Hatun, Taxa Kooperatîfler, Cehdeyê Ekîncîler a Yenîşehîrî de, Pirdê Ofîsî û Bulwarê Turgut Ozalî de derheqê revîzekerdişî de temsîlkranê fîrma reyde melumatî dayî û girewtî.

Etudî ameyî kontrolkerdene

Hemşaredarî û heyet, dima şîy cayo ke do îstasyonê sîstemê rayîrê asinênî bêro viraştene. Hemşaredarî û temsîlkaranê fîrma tîya de kontrolê etudan kerd.