Şaredarîya Amedî ya Şaristanê Girdî, seba ke hişmendîya gedeyan yê trafîkî virazîyo, wendekarê ke Keyeyê Zanayîşî yê Selahaddîn Eyyubî de perwerde gênê, Parka Perwerdeyê Trafîkî de kerdî mêman.

Çalakî û perwerdeyê ke hetê Serekîya Daîreya Xîzmetê Spor û Ciwanan ra yenê kerdene, no hewte wendekarê Keyeyê Zanayîş yê Selahaddîn Eyyubî, Parka Perwerdeyê Trafîkî de bîyî mêman.

Parka Perwerdeyê Trafîkî ke Taxa Bagcilar a Baglarî de ya, 35 wendekaran mamostayî ra perwerde girewt.

Hetkarê Sekreterîya Pêroyî yê Şaredarîya Amedî ya Şaristanê Girdî Reşat Bakan zî beşdarê çalakî bî. Çalakî de hem bi tearîk hem zî bi pratîk perwerde ame dayene. Bakanî muhîmîya qeydeyanê trafîkî kerd û wendekaran rê serkewtiş waşt.

Muhîmîya qayîşê emnîyetî

Perwerdeyo ke hetê pisporanê trafîkî yê Serekîya Daîreya Zabitayî ra yeno dayene, tede behsê muhîmîya qeydayanê trafîkî ameyî kerdene. Sewbîna servîyer, lewhayî, çilayî, peyerayîrî ameyî şinasnayene. 

Sewbîna wasitaya simulasyonî ke parke de ya, seba wendekaran tede muhîmîya qayîşê emnîyetî bi hewayêko patîk ameye musnayene.

Perwerdeyî ra dima wendekaran rê belge û fîrike ameyî dîyarîkerdene.