Şaredarîya Amedî ya Şarisdtanê Girdî, seba ke problemê ke cinî ciwîyenê, ca de tespît bika dest bi xebate kerd.

Serekîya Daîreya Xîzmetê Cinî û Keyeyan, seba projeyanê xo yê cinîyan aver bera, Merkezê Cuya Cinîyan de dest bi xebata saha kerd. Na xebate de problemê cinîyan ca de yenê tespîtkerdene û goreyê ci projeyî yenê viraştene.

Xerîtaya feqîrîya cinîyan yena viraştene

Sereka Daîreya Xîzmetê Cinî û Keyeyan Ozden Gurbuz derheqê na babete de melumatî dayî , dîyar kerd ke hedefo yerwin, vetişê xerîtaya feqîrîya cinîyan a û wina va, “Ma Benûsen de yew bi yew keyeyan ra gêrenê û xerîtaya feqîrîya cinîyan virazenê. Tîya nika sey pîlotî yo la ma do heme cayê şaristanî ra na xebate bikê. Am nika xebitênê ke tespît bikê ke problemê cinîyanê Benûsenî çi yo. Ma do na xebate qeyd bikê seba ameyoxî sey xerîtayêke bêrê xebitnayene.

Cinîyan reyde pîya projeyî yenê viraştene

Gurbuze îfade kerd ke ê do cinîyan reyde pîya qeraran bigîrê û xebatanê xo pîya bikerê û wina dewam kerd; “Nê xebatî; xebatê hetkarîya sosyale, wareyê gedeyan, ciwanîyeû xebata ekonomî û psîkolijîyî yê. Heme xebatî goreyê rapor û datayan yenê kerdene.”

 ‘Ma wazenê cinîyan reyde bibê’

Gurbuze wina va; “Cinî hemverê probleman de şênê çareyî birehetî pêşkêş bikê. Coka problem zî çare zî uca de yo. Seba ma xebatê sahayan zaf muhîm ê. Ma nêwazenê ke xebatanê xo peyê beran de bikê. Ma wazenê cinîyan reyde bibê.”