Hemşaredara Amedî ya Şaristanê Girdî Serra Bucak Taxa Şehîtlîk de şîye têhetameyşê cinîyan û dîyar kerd ke ê wazenê problemanê taxe bi fikranê cinîyan çare bikê.

Serekîya Daîreya Xîzmetê Cinî û Keyeyan yê Şaredarîya Amedî ya Şaristanê Girde seba problemanê cinîyan tespît bika û çareyêk peyda bika, Taxa Şehîtlîk yê Qezaya Yenîşehîrî de, baxçeyê Merkezê Cuya Cinîyan de kombîyayîşêk viraşt. Hemşaredara ma Serra Bucak, Hemşaredara Sûrî Fatma Gulan Onkol, Hetkara Sekreterîya Pêroyî Zerrîn Turk, Sereka Daîreya Xîzmetê Cinî û Keyeyan Ozden Gurbuz û endamê meclîsî û sewbîna xeylê cinî beşdarê kombîyayayîşî bîyî.

Hemşaredare Bucak: Ewro ma ameyî ke şima bigoşdarê

Hemşaredare Serra Bucak kombîyayîşî de qisey kerd û dîyar kerd ke ê zaf keyfweş ê ke cinîyan reyde têhet ê. Bucak ard ziwan ke ê wazenê bi fikranê cinîyan problemanê taxe çare bikê û wina dewam kerd; “Ma ameyî tîya ke şima cinîyan bigoşdarê, ma wazenê heme problemanê taxe şima ra bieşnawê. Cinîyan heme barê dinya girewto paştîya xo û bi fikr, zerrî, aqilê xo est bîyê. Cinî cuye awan kena û cuye dana dewamkerdiş. Coka ewro vatişê şima zaf muhîm ê.”

Cinîyan problemê xo vatî

Cinîyan sey problemê, çop, res, bazar ûsn ardî ziwan û cinîyan seba awanîyanê waşt ke wa “Ca de newekerdiş” bêro kerdene. Sewbîna cinîyan waşt ke wa şaredarî vera tiryakî vindero û têkoşîn biko.

Hemşaredare Bucak yew bi yew problemê cinîyan not kerdî û dîyar kerd ke ê do Merkezê Ciuya Cinîyan hîna bikê zêde û waştişanê cinîyan bîyarê bi ca.