Mudirîya Pêroyî ya DÎSKÎ yê Şaredarîya Amedî ya Şaristanê Girdî problemê awe yê mezraya Cebecî ya Pasûrî çareser kerd.

Mudirîya Pêroyî ya DÎSKÎ mîyanê şaristanî û dewan ra seba ke awa şimitişî ya pake biresna şarê xo û sîstemêkê modern yê binawanî awan bika, bêmabên xebitêna.

Na çarçewa de Mudurîya Pêroyî ya DÎSKÎ qezaya ma Pasûr de mezraya Cebecî ke girêdayîyê dewa Yakutî ya û 30 keyeyî tede est ê, problemê înan ê awe safî kerd.

Ekîbê Mudurîya Pêroyî ya DÎSKÎ mezraya Cebecî de 2 hezar û 500 metre xeta terfî û 600 metre zî xeta awa şimitişî ante û problem safî kerd. Ekîban bi qedênayîşî xeta awa şimitişî wina kerd ke şar eşkeno xo biresno awa pak û biweşîye.

Mudirîya Pêroyî ya DÎSKÎ seba ke şarê ma bieşkîyo xo biresno awa pak û weşîye do xebatanê xo dewam bika.