Şaredarîya Amedî ya Şaristanê Girdî goreyê planê stratejîk yê 5 serran perwedeyê 'Butçeyê goreyê seypêyîya cinsiyetê komelkî' da.

Serekîya Daîreya Xîzmetê Cinî û Aîleyî goreyê hazirîya planê stratejîkî perwerdeyê "Butçeyê goreyê seypêyîya cinsiyetê komelkî" awanîya xîzmetî ya bîne de da. Hetkara Sekreterîya Pêroyî Zerîn Turk, serekê daîreyan, endamê meclîsî û personelî beşdar bîyî.

'Rolê şaredarîyan muhîm o'

Sereka Komela Cuya Seypêye Senîye Nazîk Işik ke perwerde da, dîyar kerd ke no perwerdeyê înan do bibo klavuzê planê stratejîkî. Işik îfade kerd ke cinîyê marûzê neseypêyîye manenê, problemê înan ê şexsî nîyo yê komelî yo û wina dewam kerd; "Ma meseleyanê komelkîyan redye eleqedar benê. Rolê şaredarîyan nê warî de zaf muhîm o. Seba cinîya ke marûzê şîdetî menda, şima uca de şîdetî çareser nêkenê şima peynîya meseleyî ganî çareser bikê. Sey emnîyet, tibî û huqûqî tayê masele û hewcedarîyê bînî est ê. Ganî ma nînan rê çare bivînê."

Perwerdeyî de nê babetan de pêşkêşî ameyî kerdene

Işik perwerdeyî de; "Ma seba çi çiyî rê mucadele kenê? Cinsîtiyo komelkî, neseypêyî û encamê ke seba cinsîyetî vejîyenê meydan. Berpirsîyarîya şaredarîyan na babete de çi ya? Şaredarîyan de xîzmeto seypê çi yo? Butçeyê goreyê seypêyîya cinsiyetê komelkî, mevzuat û peymanê mîyannetewî" de pêşkêşî kerde.