Şaredarîya Amedî ya Şaristanê Girdî, seba ke gedeyan de heskerdişê heywanan peyda bibo ê berdî Merkezê Rehabîlîtasyon û Miqateyê Heywanan.
Şubeyê Mudirîya Gedeyan yê Serekîya Daîreya Xîzmetê Sosyalan seba pêaqilyayîşêkê komelkî awan biko, bi sloganê “Cuye Heqê Ma Ya Zî” gêrayîşêk organîze kerd û 70 gedeyî Merkezê Rehabîlîtasyon û Miqateyê Heywanan ra çarnayî.Gedeyê ke baytarê merkezî ra derheqê cins û ciwîyayîşê heywanan de melumatî girewtî, hem xo rê keyf kerd hem zî mezgê înan de hişmendîya heqê heywanan peyda bî.
Bi seyan heywanî yenê tedawîkerdene
Merkezê Rehabîlîtasyon û Miqateyê Heywanan ke binê Serekîya Daîreya Xîzmetê Weşîye de xebitêno, her roj bi seyan heywanê benê mêmanê înan. Heywanê ke tedawîyê înan qedîyeno ke ci rê wayîr yeno vînayene yan zî xoza de yenê verdayîş.
