Mudirîya Pêroyî ya DÎSKÎ seba ke saetanê awe hasasîyetî bikera vêşî, saetê ke emrê înan 10 serran ra vêşêr o, bedilnena.

Mudirîya Pêroyî ya DÎSKÎ, Goreyê Qanûnê 3516î yê Peym û Eyaran saetê ke emrê înan 10 serran vîyarto newe kena ke hem aboneyî maxdûr nêbê hem zî sazgehe zerar nêgîro.

630 saetî ameyî newekerdene

Ekîbanê DÎSKÎ xebata xo ya newekerdişî de 1ê nîsane ra heta ewro goreyê muracatê aboneyan 630 saetî bedilnayî.

Heqê tamîr û pakerdişî 185 TL

Mudirîya Pêroyî ya DÎSKÎ aboneyan ra heqê saete nêgêna. Êyê ke wazenê saeta xo bibedilnê, Mudirîya Pêroyî ya DÎSKÎ de muracatê xo virazenê û tena 185 TL heqê tamîr û pakerdişî danê.

Hedef; 5 hezarî saetê awe yê neweyî

Ekîbê DÎSKÎ goreyê taqwîmê programê xo heta peynîya serre hedef ronayo ke 5 hezarî saetanê awe bibedilnê û vernîya maxdûrîyetî bigîrê.