Kombîyayîşê Planê Stratejîkî de ke Hemşaredarê Şaredarîya Amedî ya Şaristanê Girdî Serra Bucak û Dogan Hatun beşdar bîy, derheqê waştişanê grûbanê fokusî, muxtaran û şarî de pêşkêşî ameyî viraştene.

Xebatê ke Şaredarîya Amedî ya Şaristanê Girdî seba amadekerdişê Planê Stratejîkî yê 2025-2029î daybî destpêkerdene, dewam kenê. Derheqê waştişanê kombîyayîşanê "Grûba Fokusî" de ke muxtar,  temsilkarê rêxistinanê sivîlan û şarî reyde virazîyayî û standanê ke cayanê cîya-cîyayan yê şaristanî de ronîyayê û ê şarî fikrê xo îfade kerdî, Şaredarîya Şaristanê Girdî de kombîyayîş ame viraştene.

Waştişî ameyî pêşkêşkerdene

Kombîyayîşê nirxnayîşê Planê Stratejîkî de ke bi serekîya Hemşaredaranê Şaredarîya Şaristanê Girdî Serra Bucak û Dogan Hatunî virazîya, Sekretoro Pêroyî Emrullah Gorduk, Ketkarê Sekreteryaya Pêroyî Zerîn Turk, Reşat Bakan, Azîz Ozdogan û Ozgur Yildiz û serekê daîreyan û mudirê yewîneyanê eleqedaran beşdar bîy.

Kombîyayîşî de, derheqê waştişanê şarî û kombîyayîşan de ke muxtaran û grûbanê fokusan reyde virazîyayê, goreyê waştişanê înan yê Planê Stratejîkî yê 5 serran pêşkêşî ameyî viraştene.

Xebatê Planê Stratejîkî do menga êlule de biqedîyê

Şaredarîya Şaristanê Girdî, xebatê Planê Stratejîkî yê 2025-2029î ke yê 5 serran o, do menga êlule de biqedêno û şarî reyde bêro parekerdene.