Mudirîya Pêroyî ya DÎSKÎ ya Şaredarîya Amedî ya Şaristanê Girdî, seba ke Taxa Golbaşî ya qezaya Pîranî bibo wayîrê awa bêbiryayîş û weşe, xeta şebekeyê awe newe kena.

Mudirîya Pêroyî ya Îdareyê Awe û Kanalîzasyonê Amedî (DÎSKÎ), seba ke merkezê şaristanî, qeza û taxanê deweyan de yew sîstemê binawanî yê modernî awan bikero û awa şimitişî ya kalîteyine temîn bikero, xebatanê xo dewam kena.

Ekîbanê ke girêdayeyê Mudirîya Pêroyî ya DÎSKÎ yê û qezaya Pîranî de xebatanê xo kenê, tesbît kerd ke Taxa Golbaşî de şebekeyo ke hewcedarîya awa şimitiş û şuxulnayîşî ana bi ca, zaf rey teqena û gama ke teqayîşî rê mudaxele yena kerdene, awa ke şarî rê yena dayene, birîyena.

Birîyayîşê awe ke sebebê xirabiyîşan ra yê, do biqedîyê

Ekîbanê ke taxe de dest bi xebate kerdo, xeta awa şimitişî ke emrê xo yê ekonomîkî qedênayo, betal kerd û yewna xeta awa şimitişî ya 1.800 metreyî rayîrêkê bînî de ronenê. Gama ke xebate biqedîya, Taxa Golbaşî de birîyayîşê awe ke rîyê xirabiyayîşan ra yê, do biqedîyê.