Hemşaredarê Amedî yê Şaristanê Girdî Serra Bucak û Dogan Hatunî, tayê beş û tesîsanê şaredarîye de etud kerd û seba ke Tesîsê Sporî yê Şilbe, fîdanlil û sera reyna bêrê viraştene, beşê eleqedarî wezîfedar kerdî.

Hemşaredaran Serra Bucak û Dogan Hatunî, tayê beş û tesîsanê ke girêdayeyê Serekîya Daîreya Xizmetanê Ciwanan û Sporî û Serekîya Daîreya Park û Baxçeyan ê, de etud kerd.

Hetkarê Sekreterê Pêroyî Reşat Bakan, serekê daîreyan û endamê meclîsî Hemşaredaran reyde bîyî.

Hemşaredaran ke Hewzê Asnawe yo Akerde yê TOKÎ’yê Seyrantepe û Tesîsê Sporî yê Şilbe de ke girêdayeyê Serekîya Daîreya Xizmetê Ciwan û Sporî yê û Fîdanlik û seraya ke girêdayeya Serekîya Daîreya Park û Baxçeyan a, cayê xo de dî, derheqê xebatan de serkaranê beşan ra melumat girewtî.

Cayê Fîdanlikî do reyna bêro viraştene

Hemşaredaran waşt ke seba Fîdanlik bi heme kapasîteya xo reyna dest bi xebate biko, amadekarîyê lazimî bêrê kerdene, va ke cayê Fîdanlikî de ganî xebatê tesîsê îstirahetî yê sosyal û rayîrgêrayîşî bêrê kerdene û şar hîna zêde Fîdanlikî ra îstîfade bikero.

Tesîsê sporî do bêro hîraakerdene

Hemşaredar Dogan Hatun ke tesîsê sporî ra gêra, dîyar kerd ke ganî tesîsî de varyasyon bêro kerdene û va ke cayê sporî tena yê futbolî nîyê.

Hemşaredaran waşt ke tesîsê sporî hîna bêro hîrakerdene û aktîvîteyê cîya-cîyayî bêrê zêdekerdene, seba ke kêmanîyê tesîsan bêrê temamkerdene, eleqedarî wezîfedar kerdî.