Mudirîya Pêroyî ya DÎSKÎ ya Şaredarîya Amedî ya Şaristanê Girdî, seba ke problemê awa şimitişî yê Taxa Çukurca yê Qezaya Pasûrî safî biko, dest bi xebate kerd.

Mudirîya Pêroyî ya DÎSKÎ ya Amedî, seba ke merkezê bajarî, qeza û dewan de sîstemêko binawanî yo modern awan biko û awa şimitişî ya kalîteyine temîn biko, xebatanê xo dewam kena.

Na çarçewa de Mudirîya Pêroyî ya DÎSKÎ ke projeyan vîrazena, seba ke problemê awa şimitişî yê 250 welatîyanê ke Taxa Çukurca yê Qezaya Pasûrî de 40 keyan de ciwîyenê û bi serran o ke nê problemî ancenê, safî biko dest bi xebate kerd.

Ekîbê ke girêdayeyê Mudirîya Pêroyî ya DÎSKÎ yê, seba ke problemê awa şimitişî yê Taxa Çukurca safî bikê, dest bi xebata ronayîşê xetê awa şimitişî yê 1400 metreyî kerd. Badê ke xebatî biqedîyê, şarê taxe do biresê awa şimitişî ya weş û kalîteyine.

Mudirîya Pêroyî ya DÎSKÎ, seba ke problemê awa şimitişî yê dewan safî biko, do dewamê xebatanê xo biko.