Şaredarîya Amedî ya Şaristanê Girdî, bi nêzbîyayîşê serra perwerdeyî ya 2024-2025î, seba emnîyetê wendekaran vîyerê peyeyan yê verê wendegahan de kasîsî, xetî, nuşteyê îqazê trafîkî û tabelayî newe kerdî.

Serekîya Daîreya Resî, seba ke serra perwerdeyî ya 2024-2025î dest pêkena, seba emnîyetê wendekaran vîyerê peyeyan yê verê wendegahan de kasîsî, xetî, nuşteyê îkazê trafîkî û tabelayan newe kena.

Çarçewaya xebatan de ekîban, goreyê qelebalix û hereketê trafîkî, verê wendegehan de kasîsê hêdîkerdiş kerdî ke şew zî yenê vînayene. Kasîsê kehenî zî bi neweyan ameyî bedilnayene.

Îqazê vîyerê peyeyan ameyî newekerdene

Ekîban, xetê vîyerê peyeyan reyde îkonê "Pêşî Peya" û sembolê "Hêdî" newe kerdî. Cayê ke îkonê xetê îqazî çin bîy,  ê cayan de zî yê neweyî ameyî viraştene.

Xebatê xete û sembolan de, seba ke peya û şoforê erebeyan hîna weş bivînê, boyaxo termoplastîk ameye şuxulnayene.

Tabelayê îqazê trafîkî ameyî ronayene

Şaredarîya Şaristanê Girdî ke muhîmîye dana emnîyetê can û malê şofor û peyayan, seba ke trafîkê erebe û peyayan bi hawayêko emnîyetin bişuxulîyo, rayîr û kuçeyan ra îşaret û tabelayanê trafîkî ronana. Na çarçewa de, tabelayê îşaretê vîyerê peyeyan yê verê wendegahan ameyî newekerdene, cayê ke tabelayê îşaretî çin bîy, ê cayan de zî tabelayê neweyî ameyî ronayene.

Xebatî, bulwar, cade û kuçeyanê bajarî de ke asfaltê înan qedîyayo, do dewam bikerê.