Şanoya Şaredarîya Amedî ya Şaristanê Girdî bi kayê Don Kîxotî perdeyanê xo tîyatrohesan rê akena 

Şanoya Şaredarîya Amedî ya Şaristanê Girdî ya Şaristanî ke binê Serekîya Daîreya Kultur û Sosyalî de ya, 20ê êlule de perdeyanê xo akena. Romanê Don Kîxotî de Miguel de Carvantesî nuşto, Ferhat Keskînî bi eynî nameyî adapteyê kurdkî kerd vete sahne ser. Kayo ke bi rejîsorîya Ferhat Keskînî yeno kaykerdene, 20ê êlule saete 19.30îde ÇandAmed de vejîyeno vera heskerdoxanê tîyatroyî. Kay do her îne û şeme dewam kena ke vejîyo sahne.

Kaybazî tarz û metodanê neweyan ceribnenê

Kayê Don Kîxotî de Ozcan Ateş, Şahabettîn Dag, Rezan Kaya, Elvan Koçer, Sena Ozbey, Kevnar Înaê û Şîlan Alagoz ca gênê. Kaybazî klasîkanê dinya adapteyê kurdkî kenê û tarz û metodanê neweyan ceribnenê. Kaybaz û rejîsorî wexto ke adapteyê kurdkî kenê, tena metînan ney pêro pîya her hetî ra seba kurdkî adapte kenê.

Babeta kayî

Don Kîxot şovalyeyêko saf û zerrîpak o vera xirabîye şer keno û camêrdî û başîye paweno. Sewbîna dinyayêka Don Kîxotî ya otopîke zî est a. Dinyayêk xeyal keno ke kes kesî nêkişeno û ceza nêdano kesêkî. Dinya dibe cihê aştî, aramî û heskirinê.