Meclîsê Şaredarîya Amedî ya Şaristanê Girdî, seba ke erjanê kulturî biresê ameyoxî, awankerdişê Mudirîya Şubeyê Konservaturê Bajarî bi yewvengîye qebul kerd.

Meclîsê Şaredarîya Amedî ya Bajarê Girdî, roniştişê pancine û peyênî yê kombîyayîşê adetî yê aşma Êlule bi serekîya Cagirê Serekî Evin Yelboga viraşt. Kombîyayîşo ke Salona Meclîsê Şaredarîya Bajarê Girdî de virazîya, endamê meclîsî beşdar bîy.

Roniştişê meclîsî de, madeyê rojeve yê derheqê awankerdişê Mudirîya Şubeyê Konservaturê Bajarî de ame qiseykerdene. Endamanê Meclîsî ardî vîrê şarî ke Konservaturê Bajarî binê Serekîya Daîreya Karê Kultur û Sosyalan de xebatanê xo yê derheqê şubeyê hunerî de aktîf virazenê û înan seba ke erjanê kulturî neslî ra neslî bêrê resnayene, pêşnîyazê awankerdişê Mudirîya Şubeyê Konservaturê Bajarî binê daîre de bi yewvengîye qebul kerd.

Konservaturê Bajarî bî aktîf 

Konservaturê Bajarî Aram Tigran ke serra 2010î de binê Serekîya Daîreya Karê Kulturî û Sosyalan de abîbî, serra 2016î de demê qeyyuman de ameybî padayene. Konservaturê Bajarî, badê weçînayîşanê 31ê Adare reyna binê Serekîya Daîreya Karê Kulturî û Sosyalan de bî aktîf.