Hemşaredarê Şaredarîya Amedî ya Bajarê Girdî Serra Bucak û Dogan Hatunî, Hemsereka DBP’yî ya verêne Sebahat Tuncel kerde mêman

Hemsereka Partîya Herêmanê Demokratîkan (DBP) ya verêne Sebahat Tuncel, Hemserekê Amedî yê Partîya DEM’î Gulşen Ozer û Abbas Şahînî, zîyaretê Hemşaredaranê Şaredarîya Bajarê Girdî Serra Bucak û Dogan Hatunî kerd.

Hemşaredarî Bucak û Hatunî, badê xeyrameyîşî, Tuncel û kesê ke pîya ameyî, înan reyde yew kombîyayîş kerd.

Tuncel, Hemşaredarî pîroz kerdî û seba karê înan serkewtiş waşt.

Hemşaredaran va ke înan nê zîyaretî ra keyf girewto û Tuncel û kesê ke pîya ameyî, înan rê sipas kerd.

Zîyaretî de Sekreterê Pêroyî Emrullah Gorduk, Hetkarê Sekreterê Pêroyî Zerîn Turk, Reşat Bakan, Azîz Ozdogan, endamê meclîsî û serekê daîreyan Hemşaredar Bucak û Hatunî reyde bîy.