Hemşaredarê Şaredarîya Amedî ya Şaristanê Girdî Dogan Hatun beşdarê aktîvîteyî bî ke seba Hewteyê Îtfaîye ame organîzekerdene û bale ant muhîmîya Îtfaîye ser o.

Serekîya Daîreya Îtfaîye, seba Hewteyê Îtfaîye ke mabênê 25ê Êlule-1ê Teşrîna verêne de yeno pîrozkerdene, Grûba Kayapinarî de yew aktîvîte organîze kerd. Aktîvîteyî de Hemşaredarê Şaredarîya Şaristanê Girdî Dogan Hatun, Hetkarê Sekreterê Pêroyî Reşat Bakan û serekê daîreyan reyde 150 îtfaîyekarî beşdar bîy.

Aktîvîteyî de îtfaîyekaran, bi nêrdîwanan wasita ra eştiş, qîyamevejîyayîş û mudaxeleyê adirî pêşkêş kerdî.

Hemşaredar Hatunî ke aktîvîte temaşe kerd, Hewteyê Îtfaîye yê personelan pîroz kerd. Hemşaredar Hatunî ke derheqê xebatanê Serekîya Daîreya Îtfaîye de amirê unîteyan ra melumat girewt, bale ant muhîmîya Îtfaîye ser o. Hatunî ard vîr ke Îtfaîye tena adiran de mucadele nêkena, afete, xebatanê gêrayîşî û xelaskerdişî de zî wezîfe kena û seba ke Îtfaîyeya Şaredarîya Amedî ya Şaristanê Girdî kêmanîya wasita û personelî temam bikero û bibo wayîrê ekîpmanê temamî, unîteyê eleqedarî wezîfedar ker

dî.