Hemşaredara Şaredarîya Amedî ya Şaristanê Girdî Serra Bucak, xebatê newekerdişî yê ke Parka Ben û Sen de dest pêkerdbî, kontrol kerdî.

Hemşaredara Şaredarîya Şaristanê Girdî Serra Bucak, xebatê newekerdişî yê ke bıwaştişê şarî yê fealîyetê 7ê Tebaxe de dest pêkerdbî, Parka Ben û Sen de kontrolî kerdî. Hemşaredare Bucak ke derheqê xebatan de amirê yewîneyan ê Serekîya Daîreya Park û Baxçeyan ra melumat girewt, waşt ke xebatî demêko kilm de biqedîyê.

Hemşaredare Bucak ke wexto ke parke ra gêra tutan reyde sohbet kerd û waştişê înan goşdarî kerdî, va ke tutî badê demêko kilm do biresê parke.

Zîyaretê parke de Hemşaredare Bucak reyde, Hetkara Sekretera Pêroyî Zerîn Turk û Sereka Daîreya Xizmetanê Cinî û Keyeyî Ozden Gurbuz Sumer amade bîy.