Koordînasyonê Kontrolê Xidayan ke pêşengîya Şaredarîya Amedî ya Şaristanê Girdî de ameyo ronayene, kontrolanê xo de yew marketê zincîrî yê qezaya Kayapinarî de 100 kîlo pirincê xirabîyayî rê dest ame serronayene.
Koordînasyonê Kontrolê Xidayan ke hetê Serekîya Daîreya Karê Weşîye ra seba ke şar bieşko xidayanê hîna weşan û hîna ewleyan bigîro hemkarîya şaredarîyanê qezayan de ameyo ronayene, merkezê bajarî û qezayanê dewan de xebatanê xo dewam keno.
Koordînasyonê Kontrolê Xidayan, seba ke weşîya şarî bipawo û vernîya qezencê neheqî bigîro, bajar de kontrolê marketanê zincîran kerdî.
100 kîlo pirincê xirabîyayî rafan ra kom bîy
Kontrolan de yew marketê zincîrî de 100 kîloyî pirincê ke xirabîyaybî û şertanê neweşan de ameyêne pawitene, ame tespîtkerdene.
Ekîbanê Koordînasyonê Kontrolê Xidayan ke derheqê marketê zincîrî de cezaya qanûnî tetbîq kerd, dima 100 kîlo pirincî îmha kerd.
