Mudirîya Pêroyî ya DÎSKÎ yê Şaredarîya Amedî ya Bajarê Girdî, seba ke awa gemarine bi hawayêko weş bêra dûrîvistene, 6 aşmanê peyênan de bajar de 11 hezar û 329 metreyî xetê kanalîzasyonî viraştî.

Ekîbê Mudirîya Pêroyî ya Îdareyê Awe û Kanalîzasyonî ya Amedî (DÎSKÎ), seba ke xizmetê binawanîyê bajarî bêproblem û bi hawayêko weş bêrê ramitene, xebatanê xo dewam kenê.

Ekîbanê DÎSKÎ, seba ke awa gemarine yê 4 qezayanê merkezî û 13 qezayanê dewan bi hawayêko weş bêrê arêdayene û bê zerar dayîşê derûdorî bêrê tahlîyekerdene, herêmanê ke îhtîyac pê est a, tede 11 hezar û 329 metre xetê kanalîzasyonî viraştî.

Merkezê bajarî de 1871 metre xetê awa varanî

Seba ke zerar û zîyanê awa gemarine û varişê pêtan, tewr tay bêrê kerdene, qezayanê Baglar û Kayapinarî de cayanê ke problem virazênê, tede 1871 metre xetê awa varanî ame viraştene.

Problemê awa gemarine yê 2 taxan ke serran ra dewam kerdêne, ame çareserkerdene

Ekîban bi xebata xo ya ke kerda, problemê awa gemarine yê Taxa Donumlî ya qezaya Yenişehîrî û Taxa Gozelî ya qezaya Baglarî çareser kerdî. Ekîban seba bertarafkerdişê awa gemarine 2 îstasyonê terfîyî û 1657 metre xetê terfîyî viraştî.

Vernî yeno girewtene ke Royê Dîcle lêmin bibo

Bi saya 2 îstasyonanê ke ameyê viraştene, awa gemarine yê taxan do bêrê deşarjkerdene û Tesîsê Pakkerdişê Awa Gemarine yê Bîyolojîkî yê Qezayanê Merkezî bêrê pakkerdene û dima do Royê DÎcleyî rê bêrê şawitene. Bi no hawa vernîya leminbîyayîşê Royê Dîcle yeno girewtene.

Mudirîya Pêroyî ya DÎSKÎ do bajar de xebatanê xo yê binawanîye dewam bikero.