Hemşaredarê Şaredarîya Amedî ya Bajarê Girdî Dogan Hatunî, cayê xizmetê şaredarîye yê Taxa Şehîtlîkî de kontrol kerd.

Hemşaredarê Bajarê Girdî Hatunî, cayê xîzmetê şaredarîye de kontrolî kerdî. Hemşaredar Hatunî Taxa Şehîtlîkî ya qezaya Yenîşehîrî de Keyeyê Molayî ke domananê otîstîk û down sendromî rê xizmet dano, Şubeyê Şehîtlîkî yê Îdareyê Awe û Kanalîzasyonî yê Amedî (DÎSKÎ) û Amîrîya Zabitayan zîyaret kerd, derheqê xebatan de beşanê eleqedaran ra melumat girewt û waşt ke xebatê ke kêmî mendê bi lezgînî bêrê temamkerdene.

Hemşaredar Hatunî, goşdarîya problemanê şoferan kerd

Hatunî ke Garajê Qezaya Rojhelatî de şoferanê dolmuşan reyde ame têhet, goşdarîya waştiş û problemanê şoferan kerd. Hatunî, derheqê waştişanê tamîr û pakîye de ke şoferan ard ziwan, beşê eleqedarî wezîfedar kerdî.

Hemşaredar Hatunî ke Firina Nanê Şarî ya Taxa Şehîtlîkî zîyaret kerd, bînaya ke verê hetê Mudirîya Weşîya Wîlayetî ra sey ÇEMATEM (Merkezê Tedawîya Madegirewtişî yê Doman û Ciwanan) ameyêne şuxulnayene la 22ê êlule 2021 de deyaye Şaredarîya Bajarê Girdî û nika nêyena şuxulnayene kontrol k

erd.