Wargehê Wendekaranê Kênekan ê Şaredarîya Amedî ya Şaristanê Girdî de seba wendekaran û personelan tatbîqatê şewatî ame viraştene.

Wargehê Wendekaranê Kênekan ê girêdayeyê Serekîya Daîreya Xizmetanê Komelkîyan de tatbîqatê şewatî ame viraştene. Tatbîqat de personel û wendekarê Wargehê Kênekan, personelê Mudirîya Şûbeyê Perwerdeyê Îtfaîye, ekîbê peysnayîşê şewatî yê Îtfaîye, Pisporê Emnîyetê Karî û personelê weşîye yê girêdayeyê Mudirîya Şûbeyê Weşîye û Emnîyetê Karî ya Serekîya Daîreya Karê Weşîye beşdar bîy.

Tatbîqat de tedbîrê vindertişê şewatî û çîyê ke ganî şewat de bêrê kerdene hetê ekîbanê îtfaîye ra personel û wendekaran rê ameyî îzehkerdene.

Xebate de ke perwerdeyê mudaxeleyê şewatî ame dayene, îtfaîyekaran merheleyê mudaxeleyê şewatî bi hewayêk pratîk mojnayî.

Tatbîqat de ke bi hetkarîya Serekîya Daîreya Karê Weşîye û Serekîya Daîreya Îtfaîye ame viraştene, personelî perwerdeyê şewatî dî û senaryoyê mudaxeleyê şewatî û xelisnayîşî ame kerdiş.