Hemşaredar Şaredarîya Amedî ya Bajarê Girdî Dogan Hatun, beşdarê yadkerdişê şaîr Arjen Arî bî.

Arjen Arî, serrgêra mergê ey ya 12. de bi programê ke Weşanxaneyê Sorî û keyeyê ey pîya organîze kerdo, ame yadkerdiş.

Hemşaredarê Şaredarîya Bajarê Girdî Dogan Hatunî ke programê ÇandAmedî de qisey kerd, va ke o Arjen Arî serranê xo yê wendişî ra ana xo vîrî.

Hatunî îfade kerd ke ê babeta kurdkî de zaf hesas ê û wina va: "Ma heta nefesê xo yo peyên, vera nê şarî tim kurdkî do qisey bikê. Wa şarê ma zî her tim her ca de bi ziwanê xo biciwîyo."

Programê yadkerdişî de nawitgehê fotografan virazîya û fîlmê Bîraxaneyî ame nîşandayîş. Program bi wendişê şîîranê Arjen Arî û deyîrê ke hunermendan Mehmet Atlî û Xalît Tarîyî wendî, qedîya.