Taximê Voleybolê Cinîyan ê Ciwanan yê Sporê Şaredarîya Amedî ya Bajarê Girdî, musabeqaya nêmfînalî de taximê Lîseya Anadolu ya Fatîh Sultan Mehmet (FSM) 3-0 mexlub kerd û vejîya fînal. DBB, fînal de do Îçkalesporî reyde bikewo têver.

Taximê Voleybolê Cinîyan ê Ciwanan ke binê Serekîya Daîreya Xizmetanê Ciwanî û Sporî de awan bîyo, musabeqaya hewtine ra zî bi serkewtiş vejîya.

Sporê Şaredarîya Amedî ya Bajarê Girdî ke kategorîya Voleybolê Cinîyan ê Ciwanan de mucadele keno, seba maça nêmfînalî taximê Lîseya Anadolu ya Fatîh Sultan Mehmet (FSM) reyde ame têver. Musabeqa de ke Salonê Sporî yê Koşkleran de ame kaykerdene, taximê DBB’yî vera rakîbê xo bi setanê 3-0î ser kewt û vejîya fînal.

DBB fînal de do Îçkalesporî reyde bikewo têver

Maço bîn yê nêmfînalî de zî Sporê Şaredarîya Baxlarî û Îçkalespor ameyî têver. Musabeqa de Îçkalesporî bi setanê 3-0î rakîbê xo mexlub kerd û fînal de do Sporê Şaredarîya Amedî ya Bajarê Girdî reyde bikewo têver.

Taximê Voleybolê Cinîyan ê Ciwanan yê Şaredarîya Bajarê Girdî, eke maça fînalî ra bi serkewtiş vejîyo do heqê temsîlkerdişê Amedî yê herême bigîro.